رخصتي عقب ما كنتي ثمينه

دقيقة من فضلك قبل لا تروحين && عندي كلام ولازم تسمعينه

يمكن كلامي ينفعك عقب تقفين && يمكن كلامي صعب ما تفهمينه

يمكن أكبر من خيالك و تزيدين && إني كبير و عالمي تجهلينه

أنا الذي جيتك على ما تمــنــين && عشق وقصيد وكل شي تبينه

لكن عقلك تاه و أخطا العناوين && تهتي وأنا اللي كنت أحسبك فطينه

كتبت فيك الشعر يمكن تحسين && بس الشعر يا بنت وينك و وينه

واليوم ماني لاعن حظي الشين && ولاني بقايل قلبي الله يعينه

باقول جعلك في صدودك تمادين && لأنك رخصتي عقب منتي ثمينه

ولأني عطيتك فوق ما تستحقين && لابد أصون القلب عن عاذلينه

ولأن عندي للمحبه قـــوانــيـــن && لا يناسبك قلبي ولا تناسبينه

روحي وأنا بروح لابد تلــقــيــن && شخص مثل طبعك ولا تتركينه

ولى إبتعدنا عن بعض لا تظنين && إني على فرقات نفسي حزينه

بالعكس أنا ودي فرقاك من الحين && لن الجفا حقك و تستاهلينه

شفتي وفا قلبي ولازم تشوفيـن && وشلون قلبي يحتقر خاذلينه

من باعني لابد أوريه الــشــيـن && وأقطع حباله لو حباله متينه

خلاص في نفسي ولاعاد تسوين && ولا عاد لك في القلب غير الضغينه

حتى لو إني قلت لك شيخة الزين && تأكدي في عيني اليوم شينه

وآخر كلامي لازم إنك تعرفــيـــن && إني كرهت العشق و العن سنينه

منقول

هذا الموضوع اعتبره من مواضيعي المميزه لأني صج حاسه فيه ..تخيلو عقب ما كانت رفيجتي الروح بالروح تخلت عني بسهوله بمجرد انها سمعت كلام من طرف واحد...يمكن انتو لما تسمعون كلامي تقولون اكيد تكرهينها ...بس لاوالله لي الحين احبها... بس مو مسامحتها على الخنجر اللي حطته يظهري والجرح اللي لي الحين ينزف..ولو يجمعنا القدر مره ثانيه ما راح اكمل لأ ني عرفتها على حقيقتها .......سوري طولت عليكم لووووووووول


ابي ردودكم

مشكوره عالمرور

تسلمييييين:):):):) هذا من ذوقج
مشكوره عالمروور