واقعنا

موضوع: واقعنا الأحد يونيو 22, 2008 7:02 am

الفكر/ ضد الموت في كل الأوقات ..
واللي بليا فكر عايش بـ تابوت ..

الصح منه يدوم ويخلد أموات ..
وإلا الغلط مجرد سنين ويموت ..

والشعر لو ماصار ساعي قناعات ..
يصبح حكي لكن على /هيئة بيوت/ ..

والصدق مفتاح الكرامه ومنجات ..
يكفيك من لبس السلام مشلح وكوت ..

والكذب نقص عقول وفعول واثبات ..
بـ ان أغلب الياقوت ماهو بـ ياقوت ..

والحب احلى شيء .. إلا مع الذات ..
والدار أغلى شيء .. إلا بلا قوت ..

و/الدين عزّ/ .. وهيمنه .. وانتصارات ..
لا صار قول . وفعل . وجهاد . وقنوت ..

يوم المشايخ .. قبل عصر الدويلات ..
تنقل كفن واسلاح .. /ماتنقل بشوت/ ..!

في وقتها يااهل الخطب والشعارات ..
سالت دموع العزّ من عين جالوت ..

وفي وقتنا .. يا صانعين القرارات ..
نضحي بـ غزة .. على شان بيروت ..

والفرق شاسع .. ياصراع الحضارات ..
والقول اكيد .. وبالأدلة .. ومثبوت ..

الماضي .. امجاد . وشموخ . وفتوحات ..
والحاضر مهايط . ومقهى . وبيلوت ..!

وأمر وأدهى .. ماهو .. /قادم وآت/ ..
لا صار واقعنا مبهذل .. وممقوت ..

يمثل /الأمة في الأمة .. عصابات ..!
وعلى خراب بيوت/ .! تتعمر بيوت ..

جلسات سرية على شان جلسات ..
تفوت اللي مستحيل انه يفوت ..!!

واللعب واضح في جميع المجالات ..
بـ تشوت ؟! صلح لي اصلح لك اتشوت .!

والخير بين فـي وجـيه البشارات ..
و/الشعب مستهلك/ ومتعب ومكبوت ..

حرية الرأي .. اختصاص القيادات ..
وحنا تخصص ذل /وانصات وسكوت/ ..

ياصاحبي .. خل القصص والحكايات ..
وش ميزة التوت .. إن فقد لذة التوت .؟!

إن مت ! من قول الحقايق .. سهالات ..
على الأقل تدري على ويش بـ تموت ..!

/والمشكله/ ماهيب في كثر الأصوات ..
المشكله لا صار ما /للعقل صـوت/ ..!

وســلامــتـكــم

صدق يوم قال
الماضي امجاد وشموخ وفتوحات
والحاضر مهايط ومقهى وبيلوت

موضوع: رد: واقعنا الأحد يونيو 22, 2008 5:52 pm

يسلموو

موضوع: رد: واقعنا الإثنين يونيو 23, 2008 3:03 am

الله يسلمج ..........:-)

مشكوره عالمرور

موضوع: رد: واقعنا الثلاثاء يونيو 24, 2008 3:28 pm

موضوع: رد: واقعنا الأربعاء يونيو 25, 2008 1:32 am

الله يسلمج و مشكوره على المرور[b][i]